ଆମ୍ବର ଔଷଧୀୟ ଗୁଣ : ସୁନ୍ଦର ତ୍ବଚା ଏବଂ କେଶ ପାଇଁ କରନ୍ତୁ ବ୍ଯବହାର
ଆମ୍ବରେ ପ୍ରଚୁର ପରିମାଣରେ ଫାଇବର ଓ ଭିଟାମିନ ଥାଏ । ଗରମ ଆରମ୍ଭରୁ ହିଁ ବଜାରକୁ ବିଭିନ୍ନ ଭେରାଇଟର ଆମ୍ବ ପହଁଚିସାରିଲାଣି । କିଏ ଏହାକୁ ସେକ୍ କରୁଛନ୍ତି ତ ଆଉ କିଏ ସାଲାଡରେ ବ୍ଯବହାର କରୁଛନ୍ତି । ଏହାଛଡା ଆମ୍ବର ବ୍ଯବହାର କେଶ ଏବଂ ତ୍ବଚା ପାଇଁ ମଧ୍ୟ କରାଯାଇଥାଏ । କେଶର କଣ୍ଡିସନିଂ ହେଉ କିମ୍ବା ତ୍ବଚାର କୁଞ୍ଚନ ହଟେଇବା ପାଇଁ ହେଉ ଆମ୍ବ ଏହି ସବୁ ଚିନ୍ତାରୁ ଦୂର କରିଥାଏ ।
ଚେହେରାରେ କୁଞ୍ଚନ ଏବଂ ରିଙ୍କଲ୍ସ ଦୂର କରିଥାଏ ଆମ୍ବ
ଆମ୍ବରେ ପ୍ରସ୍ତୁତ ଫେସପ୍ଯାକ ଦ୍ବାରା ଆପଣଙ୍କ ଚେହେରାରେ ଆସୁଥିବା ରିଙ୍କଲ୍ସ କିମ୍ବା କୁଞ୍ଚନ ଦୂର ହୋଇଥାଏ । ଆମ୍ବ ରସ ଏବଂ ଅଣ୍ଡାର ଧଳାଅଂଶକୁ ମିଶାଇ ଏକ ପେଷ୍ଟ ପ୍ରସ୍ତୁତ କରନ୍ତୁ । ଏହି ପ୍ଯାକକୁ ଚେହେରାରେ ଲଗାଇ ୩୦ ମିନିଟ ଛାଡିଦିଅନ୍ତୁ । ଏହି ପ୍ଯାକରେ ମହଜୁଦ ଥିବା ଆଣ୍ଟିଅକ୍ସଡେଣ୍ଟ ଏବଂ କୋଲାଜନ ଆପଣଙ୍କ ତ୍ବଚାର ଚମକ ଆଣିଥାଏ । ସପ୍ତାହରେ ଥରେ ଏହି ପ୍ଯାକକୁ ଲଗାଇଲେ ଆପଣଙ୍କ ତ୍ବଚା ସୁସ୍ଥ ଏବଂ ସୁନ୍ଦର ଦେଖାଯାଇଥାଏ ।
ଚେହେରାକୁ ପରିଷ୍କାର କରିଥାଏ ଆମ୍ବ
ଶୁଖିଲା ଆମ୍ବର ଚୋପାକୁ ଗ୍ରାଇଣ୍ଡିଂ କରି ପାଉଡର ପ୍ରସ୍ତୁତ କରନ୍ତୁ । ଏହି ପାଉଡର ସହିତ ଗହମର ଅଟାକୁ ମିଶାଇ ଏକ ପେଷ୍ଟ ପ୍ରସ୍ତୁତ କରନ୍ତୁ । ଚେହେରାରେ ଏହି ପେଷ୍ଟକୁ ଲଗାଇ ୧୦ ମିନିଟ ପର୍ଯ୍ଯନ୍ତ ଶୁଖିବାକୁ ଛାଡିଦିଅନ୍ତୁ । ତାପରେ ଥଣ୍ଡା ପାଣିରେ ଧୋଇ କ୍ରିମ ଲଗାନ୍ତୁ । ଏହାଦ୍ବାରା ଚେହେରା ପରିଷ୍କାର ହେବା ସହିତ ଲୁଚି ରହିଥିବା ରଙ୍ଗକୁ ମଧ୍ୟ ସଫା କରିଥାଏ ।
ଆମ୍ବର ଫେସପେକ ରେ ଚମକି ଉଠିଥାଏ ତ୍ବଚା
ଯଦି ଗରମ ପବନ ଦ୍ବାରା ଆପଣଙ୍କ ତ୍ବଚାର ଚମକ କମିଯାଉଥାଏ ତେବେ ଆମ୍ବରସରେ ବାଦାମ ଗୁଣ୍ଡ ଏବଂ କ୍ଷୀର ମିଶାଇ ପେଷ୍ଟ ପ୍ରସ୍ତୁତ କରନ୍ତୁ । ଏହାକୁ ଚେହେରାରେ ଲଗାଇ ଶୁଖିଗଲାପରେ ଥଣ୍ଡା ପାଣିରେ ଭଲଭାବେ ଧୋଇଦିଅନ୍ତୁ । ନିୟମିତ ଏହାର ବ୍ଯବହାର ଦ୍ବାରା ଆପଣଙ୍କ ଚେହେରାରେ ଚମକ ଆସିଥାଏ ।
କେଶର କଣ୍ଡିସନିଂ କରିଥାଏ ଆମ୍ବ
ଆମ୍ବ ରସରେ ଅଳ୍ବ ଦହି ମିଶାଇ ଭଲଭାବେ ଫେଣ୍ଟି ଦିଅନ୍ତୁ । ଏଥିରେ ଅଣ୍ଡାର ଲାଳ ଅଂଶ ମିଶାଇ ଏକ ପେଷ୍ଟ ପ୍ରସ୍ତୁତ କରନ୍ତୁ । ଏହି ହେୟାର ମାସ୍କକୁ କେଶରେ ଲଗାଇ ଅଧଘଣ୍ଟା ପର୍ଯ୍ଯନ୍ତ ଛାଡି ଦିଅନ୍ତୁ,ତାପରେ ସାମ୍ପୁ ଲଗାଇ ଦିଅନ୍ତୁ । ମଜଭୂତ କେଶ ପାଇଁ କିମ୍ବା ଧଳା କେଶକୁ ଦୂର କରିବା ପାଇଁ ଆମ୍ବର ପ୍ରସ୍ତୁତ ତେଲ ବ୍ଯବହାର କରନ୍ତୁ ।
