ଆପଣ ବିଭିନ୍ନ ପ୍ରକାର ସମୋସା ଖାଇଥିବେ । ହେଲେ ଆପଣ କେବେ ଅଣ୍ଡା ସମୋସା ଖାଇଛନ୍ତି କି ? ଯଦି ଖାଇ ନାହାଁନ୍ତି ତେବେ ଆଜି ଆମେ ଆପଣଙ୍କୁ କହିବୁ କେମିତି ଘରେ ବନାଇବେ ଅଣ୍ଡା ସମୋସା । ବ୍ରେକ୍ଫାଷ୍ଟରେ ଅଣ୍ଡା ସମୋସା ମଧ୍ୟ ଖାଇ ପାରିବେ ।
ଅଣ୍ଡା ସମୋସା ବନାଇବା ପାଇଁ ଆବଶ୍ୟକୀୟ ସାମଗ୍ରୀ :
– ଅଣ୍ଡା,
– ଛୋଟ ଛୋଟ କଟା ହୋଇଥିବା ଆଳୁ ଓ ଗାଜର
– କଟା ପିଆଜ,
– କଟା କଞ୍ଚା ଲଙ୍କା,
– ଧନିଆ ପତ୍ର,
– ମଇଦା,
– ବେକିଂ ପାଉଡ଼ର,
– ଲୁଣ,
– ରିଫାଇନ ତେଲ,
ଅଣ୍ଡା ସମୋସା ବନାଇବାର ତରିକା :
: ଗୋଟିଏ ପାତ୍ରରେ ୩୦୦ ଗ୍ରାମ ମଇଦା, ଅଧା ଛୋଟ ଚାମଚ ବେକିଂ ପାଉଡ଼ର ଓ ଲୁଣ ମିଶାଇ ଦିଅନ୍ତୁ । ପୁଣି ଏଥିରେ ତେଲ ମିଶାଇ ଚକଟି ଦିଅନ୍ତୁ ଏବଂ ୧/୨ ଘଣ୍ଟା ଅଟାକୁ ସେଟ୍ ହେବା ପାଇଁ ରଖି ଦିଅନ୍ତୁ ।
: ଏବେ ଏକ ପ୍ୟାନରେ ତେଳ ଗରମ କରି ଏଥିରେ ୪ ଟି କଟା ପିଆଜ ଓ କଞ୍ଚା ଲଙ୍କାକୁ ଭାଜି ଦିଅନ୍ତୁ । ଏଥିରେ କଟା ଆଳୁ ଓ ଗାଜରକୁ ମିଶାନ୍ତୁ
: ପୁଣି ଏଥିରେ ଲୁଣ ଓ ଧନିଆ ପତ୍ର ମିଶାଇ ଢ଼ାଙ୍କି ଦିଅନ୍ତୁ । ଯେପରି ଆଳୁ ଓ ଗାଜର ନରମ ହୋଇଯାଏ ।
: ପ୍ରାୟ ୫/୭ ମିନିଟରେ ଆଳୁ ଓ ଗାଜର ସିଝି ଯିବା ପରେ ଏଥିରେ ୬ ଟି ଅଣ୍ଡା ଭାଙ୍ଗି ମିଶାନ୍ତୁ ଯେପରି ଏହା ଆଳୁରେ ଭାଜି ହୋଇଯିବ । ଏବେ ଏହାକୁ ଥଣ୍ଡା ହେବାକୁ ଛାଡ଼ି ଦିଅନ୍ତୁ ।
: ଏବେ ଗୋଳା ହୋଇଥିବା ଅଟାକୁ ରୁଟି ପରି ବେଲନ୍ତୁ ଓ ଏହାକୁ ମଝିରୁ କାଟି ସମୋସା ଭଳି କରି ଏଥିରେ ଆଳୁ-ଅଣ୍ଡା ମିଶ୍ରଣକୁ ଭରି ବନ୍ଦ କରନ୍ତୁ ।
: ଏବେ କଡେଇରେ ତେଲ ଗରମ କରି ସମୋସାକୁ ଗୋଲ୍ଡେନ ହେବା ଯାଏ ଛାଣନ୍ତୁ ।
ଏବେ ପ୍ରସ୍ତୁତ ହୋଇଗଲା ଆପଣଙ୍କ ଅଣ୍ଡା ସମୋସା । ଗରମ ଗରମ ଚଟଣୀ ସହ ଖାଆନ୍ତୁ ଓ ଖୁଆନ୍ତୁ ।