ଆଜିକାଲି ମଣିଷ ପାଖରେ ଅର୍ଥ ରୋଜଗାର କରିବାର ଅନେକ ପନ୍ଥା ରହିଛି ହେଲେ ଆୟ ତୁଳନା ସଞ୍ଚୟର ମାତ୍ରା କମ୍ ହେଉଥିବା ଆପଣମାନେ ନିଶ୍ଚିତ ସବୁ ଲୋକଙ୍କ ଠାରୁ ଶୁଣୁଥିବେ । ଯେତେ ରୋଜଗାର କଲେ କଣ ଆପଣ ମଧ୍ଯ କରିପାରୁନାହାନ୍ତି କି ସଞ୍ଚୟ?
ତେବେ ଆଜି ଏହାକୁ ନେଇ ଆମେ ଆପଣଙ୍କୁ ଦେବୁ କିଛି ଏମିତି ଟିପ୍ସ ଯାହାକୁ ଅବଲମ୍ବନ କରି ଆପଣ ଆପଣଙ୍କ ସଞ୍ଚୟ ଅର୍ଥରୁ ବଢାଇପାରିବେ । ରାଶି ଆମ ଜୀବନରେ ବହୁତ ମହତ୍ବ ରଖିଥାଏ । ଏହି ରାଶିକୁ ନେଇ ଆଜି ଆମେ ଏମିତି କିଛି ଘରୋଇ ଉପାୟ ବତାଇବୁ ଯାହାକୁ ପ୍ରୟୋଗ କରି ଆପଣ ଲାଭ ପାଇପାରିବେ ।
ଆସନ୍ତୁ ଜାଣିବା ରାଶି ଅନୁସାରେ କିପରି ରଖିବେ ଟଙ୍କା :
ମେଷ – ଯଦି ଆପଣଙ୍କର ମେଷ ରାଶି ତେବେ ଆପଣ ନିଜ ଘରର ପଶ୍ଚିମ ଦିଗରେ ଆଲମାରି ରଖନ୍ତୁ ଏବଂ ସେଥିରେ ଟଙ୍କା ପଇସା ରଖନ୍ତୁ। ଏହା ସହିତ ପଇସା ରଖିବା ସ୍ଥାନରେ ଯେକୌଣସି ଲୁହାର ଏକ ବସ୍ତୁ ରଖନ୍ତୁ।
ବୃଷ – ଯଦି ଆପଣଙ୍କ ରାଶି ବୃଷ ତେବେ ଆପଣ ଘରର ପୂର୍ବ ଦିଗରେ ଧନ ରଖନ୍ତୁ । ଧନ ରଖିବା ସ୍ଥାନରେ ସୁନା ଏବଂ ପିତଳର ଏକ ବସ୍ତୁ ରଖନ୍ତୁ।
ମିଥୁନ– ମିଥୁନ ରାଶିର ବ୍ଯକ୍ତି ନିଜ ଘରର ଉତ୍ତର ଦିଗରେ ଧନ ରଖନ୍ତୁ। ଏହା ସହ ଧନ ରଖିବା ସ୍ଥାନରେ ତମ୍ବାର ଏକ ବସ୍ତୁ ରଖନ୍ତି । ଏହା ଆପଣଙ୍କ ପାଇଁ ମଙ୍ଗଳମୟ ସାବ୍ୟସ୍ତ ହେବ ।
କର୍କଟ– କର୍କଟ ରାଶିର ବ୍ଯକ୍ତି ଘରର ପୂର୍ବ-ଦକ୍ଷିଣ ଦିଗରେ ଧନ ରଖନ୍ତୁ। ଟଙ୍କା ରଖିବା ସ୍ଥାନରେ ରୂପାର ଏକ ବସ୍ତୁ ରଖନ୍ତୁ। ଏହା ଆପଣଙ୍କ ପାଇଁ ଶୁଭପ୍ରଦ ହେବା ସହ ଆପଣଙ୍କ ସଞ୍ଚୟକୁ ବଢାଇବାରେ ସାହାର୍ୟ୍ୟ କରିବ ।
ସିଂହ– ଯଦି ଆପଣଙ୍କ ସିଂହ ରାଶି ତେବେ ଘରର ପୂର୍ବ ଦିଗରେ ଆପଣ ଧନ ରଖନ୍ତୁ। ପଇସା ରଖିବା ସ୍ଥାନରେ ତମ୍ବାର ବସ୍ତୁ ରହିବା ଭଲ ହୋଇଥାଏ । ଯାହାଫଳରେ ଆପଣଙ୍କର ଟଙ୍କାକୁ ନେଇ କୌଣସି ଅଭାବ ଦେଖା ଦେଇନଥାଏ ।
କନ୍ୟା – କନ୍ୟା ରାଶିର ବ୍ଯକ୍ତିମାନେ ନିଜ ଘରର ଦକ୍ଷିଣ-ପଶ୍ଚିମ ଦିଗରେ ରୁପା ବସ୍ତୁ ସହ ଧନ ରଖନ୍ତୁ।
ତୁଳା– ଏହି ରାଶିର ବ୍ଯକ୍ତି ମାନେ ନିଜ ପାଇଁ ଘରର ଦକ୍ଷିଣ ଦିଗରେ ରୁପା ସହ ଧନ ରହିବା ମଙ୍ଗଳମୟ। ତେଣୁ ଏହି ଉପାୟ ଅବଲମ୍ବନ କରନ୍ତୁ ।
ବିଛା- ବିଛା ରାଶିର ବ୍ଯକ୍ତି ମାନେ ଘରର ଉତ୍ତର-ପଶ୍ଚିମ ଦିଗରେ ଧନ ରଖନ୍ତୁ। ଧନ ରଖିବା ସ୍ଥାନରେ ତମ୍ବାର ଏକ ବସ୍ତୁ ରଖନ୍ତୁ। ଦେଖିବେ ଏହା ଆପଣଙ୍କ ପାଇଁ ମଙ୍ଗଳମୟ ହେବ ।
ଧନୁ- ଧନୁ ରାଶିର ବ୍ଯକ୍ତି ନିଜ ଘରର ଉତ୍ତର-ପଶ୍ଚିମ ଦିଗରେ ଧନ ରଖନ୍ତୁ। ଧନ ରଖିବା ସ୍ଥାନରେ ସୁନାର ଏକ ବସ୍ତୁ ରହିବା ଆପଣଙ୍କ ପାଇଁ ଭଲ ହୋଇଥାଏ ।
ମକର– ମକର ରାଶି ଥିବା ବ୍ଯକ୍ତି ନିଜ ଘରର ଉତ୍ତର ଦିଗରେ ଧନ ରଖନ୍ତୁ। ଟଙ୍କା ରଖିବା ସ୍ଥାନରେ ତମ୍ବାର ବସ୍ତୁ ରଖିବା ମଙ୍ଗଳମୟ ହୋଇଥାଏ ।
କୁମ୍ଭ- କୁମ୍ଭ ରାଶିର ବ୍ଯକ୍ତି ଘରର ପୂର୍ବ ଦିଗରେ ଧନ ରଖନ୍ତୁ। ପଇସା ରଖିବା ସ୍ଥାନରେ ତମ୍ବାର ଏକ ବସ୍ତୁ ରଖିବା ମଙ୍ଗଳମୟ।
ମୀନ- ଯଦି ଆପଣଙ୍କର ମୀନ ରାଶି ତେବେ ଆପଣ ଆପଣଙ୍କ ଘରର ପଶ୍ଚିମ ଦିଗରେ ଧନ ରଖିବା ଦ୍ବାରା ଲାଭଦାୟକ ହୋଇଥାଏ । ଏହା ସହ ସେହି ସ୍ଥାନରେ ରୁପା ମୁଦ୍ରାଟିଏ ରଖିଲେ ଶୁଭଫଳ ମିଳିଥାଏ ।