ଚୋରିର ଅନେକ ଘଟଣା ବିଷୟରେ ଆମେ ଶୁଣିଛେ। କିଏ କେତେ ବେଳେ ଟଙ୍କା ଚୋରି କଲାଣି ତ ଆଉ କେବେ ଜିନିଷପତ୍ର। ଏସବୁ ଖବର ଆମେ ପ୍ରତିଦିନ ଟିଭି, ପେପରରେ ଦେଖୁଛୁ। କିନ୍ତୁ କେବେ ପୋଲ୍ ଚୋରି କଥା ଶୁଣିଛନ୍ତି କି! ଆଶ୍ଚର୍ଯ୍ୟ ଲାଗୁଥିଲେ ବି ଏହା ସତ। ଚୋରମାନେ ପୂରାପୂରି ପୋଲକୁ ଚୋରି କରି ନେଇଯାଇଛନ୍ତି। ଏଭଳି ମାମଲା ଦେଖିବାକୁ ମିଳିଛି ବିହାରର ରୋହତାସ ଜିଲ୍ଲାରେ। ଏଠାରେ ଚୋରମାନେ ଏକ ୬୦ ଫୁଟ୍ ଲମ୍ବା ପୋଲକୁ ଚୋରି କରି ନେଇଯାଇଛନ୍ତି।
A gang of thieves pulled off an extraordinary heist in broad daylight as they managed to steal a 60-feet defunct iron bridge of 45 years across the Ara-Sone Canal in Rohtas district of #Bihar.https://t.co/Ma8lZCyVGK
— Firstpost (@firstpost) April 9, 2022
ବିହାରର ରୋହତାସ ଜିଲ୍ଲାର ନାସରିଗଞ୍ଜ ଥାନା ଅମିୟାବର ଅଞ୍ଚଳରେ ଏକ କେନାଲ ରହିଛି। ଏହି କେନାଲ ଉପରେ ନିର୍ମିତ ଲୁହାର ପୋଲ ରାତାରାତି ଗାୟବ ହୋଇଯାଇଛି। ପୋଲ ଗାୟବ ହୋଇଯାଇଥିବା ଖବର ଶୁଣି ସମସ୍ତେ ଆଶ୍ଚର୍ଯ୍ୟ ହୋଇଯାଇଛନ୍ତି। ଲୋକମାନେ ଯାଇ ଦେଖିବା ବେଳକୁ କେନାଲ ଉପରେ ତିଆରି ହୋଇଥିବା ୬୦ ଫୁଟ୍ ଲମ୍ବା, ୧୦ ଫୁଟ୍ ଚଉଡ଼ା ଓ ୧୨ ଫୁଟ୍ ଉଚ୍ଚ ପୋଲ ଗାୟବ ହୋଇଯାଇଛି। କୁହାଯାଉଛି ଯେ ଚୋରମାନେ ପୋଲକୁ ଜେସିବିରେ ଓପାଡ଼ି ଟ୍ରକରେ ଲଦି ନେଇ ଯାଇଛନ୍ତି।
Bihar |60-feet long-abandoned steel bridge stolen by thieves in Rohtas district
Villagers informed some people pretending as mechanical dept officials uprooted bridge using machines like JCB & gas-cutters. We’ve filed the FIR:Arshad Kamal Shamshi, Junior Engineer,Irrigation dept pic.twitter.com/o4ZWVDkWie
— ANI (@ANI) April 9, 2022
ରାତାରାତି ଚୋରମାନେ ଏମିତି କାରନାମା କରିଦେଲେ, କିନ୍ତୁ ସ୍ଥାନୀୟ ପ୍ରଶାସନକୁ ଏ ନେଇ କିଛି ଜଣା ବି ପଡ଼ିନାହିଁ। ତେବେ ସବୁଠୁ ମଜା କଥା ହେଉଛି, ଏହି କାମ ପାଇଁ ଚୋରମାନେ ନିଜକୁ ସରକାରୀ ଅଧିକାରୀର ପରିଚୟ ଦେଇ ସ୍ଥାନୀୟ ବିଭାଗୀୟ କର୍ମୀଙ୍କ ସାହାଯ୍ୟ ବି ନେଇଛନ୍ତି। ତାଙ୍କ ଉପସ୍ଥିତିରେ ହିଁ ପୋଲ ଚୋରି କରି ନେଇଯାଇଛନ୍ତି। ତେବେ ଚୋରମାନେ ଏହି ପୋଲକୁ କୁଆଡ଼େ ନେଇ ଯାଇଛନ୍ତି, ଏବେ ଯାଏଁ ସେ ନେଇ କୌଣସି ସୂଚନା ମିଳିପାରିନାହିଁ।
Also Read: ଏବେ ମାତ୍ର ୨୨୫ ଟଙ୍କାରେ ନେଇପାରିବେ କୋଭିସିଲ୍ଡ ଓ କୋଭାକ୍ସିନ୍ର ବୁଷ୍ଟର ଡୋଜ୍, ଘୋଷଣା କଲା କମ୍ପାନୀ