ବାପାଙ୍କ ଆରୋଗ୍ୟ କାମନା କରି ଈଶ୍ୱରଙ୍କ ଶରଣ ପଶିଲେ ତେଜ ପ୍ରତାପ
ଆରଜେଡି ସୁପ୍ରିମୋ ଲାଲୁ ଯାଦବଙ୍କ ବଡ ପୁଅ ତେଜ ପ୍ରତାପ ଯାଦବ ପିତାଙ୍କ ଆରୋଗ୍ୟ କାମନା କରି ଈଶ୍ୱରଙ୍କ ଶରଣ ପଶିଛନ୍ତି । ଆଉ ବାପାଙ୍କ ଉଦ୍ଦେଶ୍ୟରେ କହିଛନ୍ତିଯେ, “ଆପଣ ତୁରନ୍ତ ସୁସ୍ଥ ହୋଇ ଫେରି ଆସନ୍ତୁ । ଆପଣ ଅଛନ୍ତି ତ ସବୁ କିଛି ଅଛି । ଆଉ ଆପଣ ନାହାନ୍ତି ତ କିଛି ବି ନାହିଁ । ମୁଁ ସବୁ ସମୟରେ ଆପଣଙ୍କ ଶରଣରେ ହିଁ ରହିବି । ମୋର କେବଳ ମୋ ବାପା ଦରକାର । ଆଉ କିଛି ବି ନୁହେଁ । ରାଜନୀତି ବି ମୋର ଲୋଡ଼ା ନାହିଁ ।” କହିରଖିବା ଉଚିତ ହେବକି ବିହାରର ପୂର୍ବ ମୁଖ୍ୟମନ୍ତ୍ରୀ ଲାଲୁ ପ୍ରସାଦ ଯାଦବଙ୍କୁ ବୁଧବାର ଏୟାର ଆମ୍ବୁଲାନ୍ସ ଜରିଆରେ ପାଟଣାରୁ ଦିଲ୍ଲୀକୁ ନିଆଯାଇଥିଲା । ଆଉ ତାଙ୍କୁ ଏମ୍ସରେ ଭର୍ତ୍ତି କରାଯାଇଥିଲା । ଲାଲୁଙ୍କ କାନ୍ଧ ସମେତ ତିନିଟି ସ୍ଥାନରେ ଫ୍ରାକ୍ଚର ରହିଛି । ତାଙ୍କର ପ୍ରାଥମିକ ଚିକିତ୍ସା ପାଟଣାରେ କରାଯଇଅଥିଲା । ସେ ନିଜ ଘରେ ପଡିଯାଇଥିଲେ । ଯାହା ଫଳରେ ତାଙ୍କ
ଶରୀରରେ ଫ୍ରାକ୍ଚର ହୋଇଥିଲା । ୭୪ ବର୍ଷୀୟ ଲାଲୁ ଯାଦବ ରବିବାର ପାଟଣା ସ୍ଥିତ ରାବଡୀ ଆବାସରେ ଗଳି ପଡ଼ିଥିଲେ । ଯାହା ପରେ ତାଙ୍କୁ ପାଟଣା ସ୍ଥିତ ଏକ ହସ୍ପିଟାଲରେ ଭର୍ତ୍ତି କରାଯାଇ ଚିକିତ୍ସା କରାଯାଉଛି । ସେଠାରେ ଡାକ୍ତର ତାଙ୍କ ଚିକିତ୍ସା କରି ଆରାମ କରିବାକୁ କହିଥିବା ବେଳେ ପରେ କିନ୍ତୁ ସ୍ଥିତି ଗମ୍ଭୀର ହେବାରୁ ତାଙ୍କୁ ଦିଲ୍ଲୀ ସ୍ଥାନାନ୍ତରିତ କରାଯାଇଥିଲା ।
ଆଉ ଏହି ବାପାଙ୍କର ଆରୋଗ୍ୟ କାମନା କରି ତେଜ ପ୍ରତାପ ଯାଦବ ଭଗବାନଙ୍କ ନିକଟରେ ପ୍ରାର୍ଥନା କରିଛନ୍ତି । ଆଉ ସବୁଠୁ ବଡ ଖବର ହେଉଛି ନିଜର ଏହି ଭିଡିଓରେ ତେଜ ପ୍ରତାପ ନିଜକୁ ରାଜନୀତି ଠାରୁ ଦୁରେଇ ରଖିବାକୁ କହିଛନ୍ତି ।
