ସ୍ୱପ୍ନରେ ଯଦି ଏହି କଥା ଦେଖୁଥାନ୍ତି, ହୋଇଥାଏ ବହୁତ ଶୁଭ,ଜାଣନ୍ତୁ କ’ଣ କହୁଛି ସ୍ୱପ୍ନ ଶାସ୍ତ୍ର
ସ୍ୱପ୍ନ ଦେଖିବା ଏକ ସାମାନ୍ୟ ପ୍ରକ୍ରିୟା । ପ୍ରତ୍ୟେକ ବ୍ୟକ୍ତି କିଛି ନା କିଛି ସ୍ୱପ୍ନ ଦେଖିଥାନ୍ତି । ଆମେ ଅଧିକାଂଶ ସମୟରେ ସ୍ୱପ୍ନ ଦେଖିବା ପରେ ତାହା ବିଷୟରେ ଚିନ୍ତା କରିଥାଉ । ଅଧିକାଂଶ ସ୍ୱପ୍ନ ମନେ ରହିଥିବା ବେଳେ ଅଧିକାଂଶ ସ୍ୱପ୍ନ ଆମେ ଭୁଲିଯାଉ । ତେବେ ସ୍ୱପ୍ନରେ ଦେଖିଥିବା ଜିନିଷ ବା ବ୍ୟକ୍ତି ସହ ଜଡିତ ରହିଥାଏ କିଛି ଭବିଷ୍ୟତ କଥା । ଯାହାକୁ ଆମେ ସ୍ୱପ୍ନ ଶାସ୍ତ୍ରରୁ ଜାଣିଥାଉ । ଆସନ୍ତୁ ଜାଣିବା ସ୍ୱପ୍ନ ଶାସ୍ତ୍ର ଅନୁସାରେ କେଉଁ ସ୍ୱପ୍ନ ଦେଖିଲେ ହୋଇଥାଏ ଅତ୍ୟନ୍ତ ଶୁଭ ।
ସ୍ୱପ୍ନରେ ଝିଟିପିଟି ଦେଖିବା
ସ୍ୱପ୍ନ ଶାସ୍ତ୍ର ଅନୁସାରେ ଯଦି କୌଣସି ବ୍ୟକ୍ତିଙ୍କୁ ସ୍ୱପ୍ନରେ ଝିଟିପିଟି ଦେଖା ଯାଏ, ତାହାଲେ ଏହାକୁ ଏକ ଶୁଭ ସ୍ୱପ୍ନ ମନାଯାଇଥାଏ । ଜ୍ୟୋତିଷଙ୍କ ଅନୁସାରେ ଝିଟିପିଟିକୁ ଲକ୍ଷ୍ମୀଙ୍କର ପ୍ରତୀକ ବୋଲି ମନାଯାଇଥାଏ । ଏହାର ଅର୍ଥ ନିକଟ ଭବିଷ୍ୟତରେ ଆପଣଙ୍କୁ ଧନ ଲାଭର ଯୋଗ ରହିଛି ।
ସ୍ୱପ୍ନରେ ନିର୍ମାଣ କାର୍ଯ୍ୟ ଦେଖିବା
ସ୍ୱପ୍ନ ଶାସ୍ତ୍ର ଅନୁସାରେ ଯଦି ସ୍ୱପ୍ନରେ ନିର୍ମାଣ କାର୍ଯ୍ୟ ଦେଖନ୍ତି,ତେବେ ଏହାର ଅର୍ଥ ହେଉଛି ଆପଣଙ୍କ କାମରେ ପ୍ରମୋସନ ମିଳିବାକୁ ଯାଉଛି ।
ସ୍ୱପ୍ନରେ ନିଜକୁ ଅସୁବିଧାରେ ଦେଖିବା
ଏପରି ସ୍ୱପ୍ନ ଦେଖିବା ଦ୍ୱାରା ବ୍ୟକ୍ତି ଚିନ୍ତିତ ହୋଇଯାଇଥାନ୍ତି । ତେବେ ସ୍ୱପ୍ନ ଶାସ୍ତ୍ର ଅନୁସାରେ ନିଜକୁ ଗରୀବ କିମ୍ବା ଅସୁବିଧାରେ ଦେଖିବା ସୁଚାଇ ଥାଏ ଯେ ଆପଣଙ୍କ ଆର୍ଥିକ ସ୍ଥିତି ସୁନ୍ଦର ହେବ ଓ ଧନ ମିଳିବାର ସମ୍ଭାବନା ରହିଛି ।
ସ୍ୱପ୍ନରେ ଶୁଆ ଦେଖିବା
ସ୍ୱପ୍ନରେ ପଶୁ-ପକ୍ଷୀ ଦେଖା ଯାଇଥାନ୍ତି । ହେଲେ ସ୍ୱପ୍ନରେ ଶୁଆ ଦେଖିବା ଦ୍ୱାରା, ଏହାର ଅର୍ଥ ଖୁବ ଶୀଘ୍ର ତାଙ୍କୁ ପଇସା ମିଳିବାର ଅଛି ।
