ବିଶ୍ୱକର୍ମା ପୂଜା ଦିନ ସୂର୍ଯ୍ୟ କରିବେ କନ୍ୟା ରାଶିକୁ ଚଳନ, ବୁଧାଦିତ୍ୟ ଯୋଗ ଯୋଗୁ ଏହି ରାଶିର ଲୋକଙ୍କ ଚମକିବ ଭାଗ୍ୟ
ଜ୍ୟୋତିଷ ଶାସ୍ତ୍ର ଅନୁଯାୟୀ କାଲି ଅର୍ଥାତ ୧୭ ସେପ୍ଟେମ୍ବର ବିଶ୍ୱକର୍ମା ପୂଜା ଦିନ ସୂର୍ଯ୍ୟ କନ୍ୟା ରାଶିରେ ଗୋଚର କରିବେ । ସେଠାରେ ସୂର୍ଯ୍ୟ ଓ ବୁଧ ଗ୍ରହର ସଂଯୋଗ ବୁଧାଦିତ୍ୟ ଯୋଗ ସୃଷ୍ଟି ହୋଇଥାଏ । ଜ୍ୟୋତିଷ ଶାସ୍ତ୍ରରେ ଅନୁସାରେ ବୁଧାଦିତ୍ୟ ଯୋଗକୁ ଏକ ଶୁଭ ଯୋଗ କୁହାଯାଇଥାଏ । ଆସନ୍ତୁ ଜାଣିବା କେଉଁ ରାଶି ବାଲାଙ୍କୁ ମିଳିବ ଏହାର ଲାଭ ।
ମେଷ ରାଶି :
ସୂର୍ଯ୍ୟଙ୍କ ଏହି ଗୋଚର ମେଷ ରାଶି ବାଲାଙ୍କ ପାଇଁ ଶୁଭ ହୋଇଥାଏ । ଏହି ଗୋଚର ଅବଧିରେ ଆପଣଙ୍କୁ ଧନ ଓ ସମ୍ପତି ଲାଭ ହେବାର ଯୋଗ ବନି ରହିଥାଏ । ପାର୍ଟନରସିପ ବ୍ୟବସାୟରେ ଲାଭ ହେବ । ଅଫିସରେ ଆପଣଙ୍କୁ ସମ୍ମାନ ମିଳିବ ।
କର୍କଟ ରାଶି :
ଏହି ଗୋଚର କର୍କଟ ରାଶି ବାଲାଙ୍କ ଜୀବନରେ ସକରାତ୍ମକ ପରିବର୍ତ୍ତନ ନେଇ କରି ଆସିବ । ବିଦେଶ ଯାତ୍ରା ଅଥବା ଚାକିରି ସୁଯୋଗ ମିଳିପାରେ । ବାଦ ବିବାଦରୁ ମୁକ୍ତି ମିଳିବ । ଯୋଜନାବଦ୍ଧ ଭାବେ କାମ କରନ୍ତୁ ସଫଳତା ମିଳିବ । ଆର୍ଥିକ ସ୍ଥିତି ପୂର୍ବ ଠାରୁ ଭଲ ହେବ ।
ବିଚ୍ଛା ରାଶି :
ସୂର୍ଯ୍ୟ ରାଶି ପରିବର୍ତ୍ତନର ଶୁଭ ଫଳ ବିଚ୍ଛା ରାଶି ବାଲାଙ୍କୁ ମଧ୍ୟ ମିଳିବ । ଦୀର୍ଘ ସମୟରୁ ଚାଲି ଆସୁଥିବା କିଛି ବଡ଼ ସମସ୍ୟାର ସମାଧାନ ମଳିବ । ଆର୍ଥିକ ସ୍ଥିତି ପୂର୍ବ ଠାରୁ ଭଲ ହେବ । ଅଫିସରେ ନିଜର ବରିଷ୍ଠ ଅଧିକାରୀଙ୍କ ସହ ସମ୍ପର୍କ ମଧୂର ରହିବ । ଚାକିରିରେ ପ୍ରମୋଶନ ମିଳିବାର ସୁଯୋଗ ରହିଛି ।
ଧନୁ ରାଶି :
ଏହି ବୁଧାଦିତ୍ୟ ଯୋଗ ଆପଣଙ୍କ ପାଇଁ ଲାଭର ନୂଆ ସୁଯୋଗ ସୃଷ୍ଟି କରିବ । ସରକାରୀ କାମରେ ଲାଭ ମିଳିବ । ଏଥିପାଇଁ ସରକାରୀ କାମ ସହ ସଂପୃକ୍ତ କାର୍ଯ୍ୟରେ ଲାଭ ମିଳିବ । ସରକାରୀ ଚାକିରି ପାଇଁ ଆବେଦନର ସୁଯୋଗ ରହିଛି । ସୁଖ ସୁବିଧାରେ ଉନ୍ନତି ଘଟିବ ।
