ଭାରତ-ଅଷ୍ଟ୍ରେଲିଆ ମଧ୍ୟରେ ବ୍ରିସବେନରେ ଖେଳାଯାଉଥିବା ଚତୁର୍ଥ ଟେଷ୍ଟରେ ୨୯୪ ରନରେ ଅଲଆଉଟ୍ ହୋଇଛି ଅଷ୍ଟ୍ରେଲିଆ । ଏହାସହ ଭାରତକୁ ବିଜୟ ପାଇଁ ୩୨୮ ରନ୍ ଟାର୍ଗେଟ୍ ଦେଇଛି । ଭାରତ ପକ୍ଷରୁ ବୋଲର ମହମ୍ମଦ ସିରାଜ ୫ଟି ଓ ଶର୍ଦ୍ଦୁଳ ଠାକୁର ୪ଟି ଓ୍ୱିକେଟ୍ ନେଇଥିବା ବେଳେ ଓ୍ୱାସିଂଟନ ସୁନ୍ଦର ଗୋଟିଏ ଓ୍ୱିକେଟ୍ ନେଇଥିଲେ। ଦ୍ବିତୀୟ ଇନିଂସରେ ଭାରତ ମାତ୍ର ୪ ରନ୍ କରିଛି। ଏବେ ଖେଳ ବର୍ଷାଯୋଗୁଁ ବନ୍ଦ ରହିଛି।
ଅଷ୍ଟ୍ରେଲିଆ ପ୍ରଥମ ଇନିଂସରେ ୩୬୯ରନରେ ଅଲ୍ଆଉଟ୍ ହୋଇଥିବା ବେଳେ ଭାରତୀୟ ଟିମ୍ ୩୩୬ ରନରେ ଅଲ୍ଆଉଟ୍ ହୋଇଥିଲା । ଟିମ୍ ଅଷ୍ଟ୍ରେଲିଆ ଠାରୁ ୩୩ ରନରେ ପଛରେ ରହିଥିଲା ଭାରତ। ପରେ ୨ୟ ଇନିଂସର ଖେଳ ଆରମ୍ଭ କରିଥିଲା ଟିମ୍ ଅଷ୍ଟ୍ରେଲିଆ । ଦଳ ପକ୍ଷରୁ ଡେଭିଡ଼୍ ଓ୍ୱାର୍ଣ୍ଣର ଓ ମାର୍କସ ହାରିସ୍ ଭଲ ଆରମ୍ଭ କରିଥିଲେ । ଦଳ ୮୯ରନରେ ପ୍ରଥମ ଓ୍ୱିକେଟ୍ ରୂପରେ ମାର୍କସ ହାରିସଙ୍କୁ ହରାଇଥିଲା । ଏହାପରେ କିଛି ରନ୍ ବ୍ୟବଧାନରେ ଓ୍ୱିକେଟ୍ ପତନ ହୋଇଥିଲା । ୨ୟ ଇନିଂସରେ ମାର୍କସ ହାରିସ୍ ୩୮ରନ୍, ଲାବୁସେନ୍ ୨୫ରନ୍, ମାଥ୍ୟୁ ଓ୍ୱାଡେ (୦) ରନରେ ପାଭିଲିୟନ୍ ଫେରିଛନ୍ତି ।
Another shower and the hessian is being raced onto the ground.
Stand by #AUSvIND pic.twitter.com/cGgDNEpARR
— cricket.com.au (@cricketcomau) January 18, 2021
ଅଷ୍ଟ୍ରେଲିଆ ପକ୍ଷରୁ ଷ୍ଟିଭେନ୍ ଷ୍ମିଥ୍ ୫୫ ରନ୍, କାମ୍ରନ ଗ୍ରୀନ୍ ୩୫, ଟିମ ପେନ୍ ୨୭, ମିଚେଲ ଷ୍ଟାର୍କ ୧, ନାଥାନ ଲାୟନ ୧୩ ରନରେ ପ୍ୟାଭିଲିୟନ ଫେରିଥିବା ବେଳେ ପ୍ୟାଟ୍ କ୍ୟୁମିନ୍ସ ୨୮ ରନ୍ କରି ଅପରାଜିତ ରହିଛନ୍ତି । ତେଣୁ କଙ୍ଗାରୁ ଦଳ ୨୯୪ ରନ୍ କରିବାରେ ସକ୍ଷମ ହୋଇଥିଲା । କଙ୍ଗାରୁ ଦଳ ଠାରୁ ଜିତିବା ପାଇଁ ଭାରତକୁ ୩୨୮ ରନର ଆବଶ୍ଯକତା ରହିଛି।