ସନରାଇଜର୍ସ ହାଇଦ୍ରାବାଦ ପକ୍ଷରୁ ୩୦ କୋଟି ଟଙ୍କାର କୋଭିଡ ସହାୟତା ରାଶି ପ୍ରଦାନ
କରୋନାରେ ସମସ୍ତେ ନିଜ ସହାୟତାର ହାତ ବଢ଼ାଉଥିବା ବେଳେ ଏବେ କ୍ରିକେଟ ଟିମ ସନରାଇଜର୍ସ ହାଇଦ୍ରାବାଦ ମଧ୍ୟ ନିଜ ପକ୍ଷରୁ ସହଯୋଗର ହାତ ବଢ଼ାଇଛି । କରୋନା ପାଇଁ ୩୦ କୋଟି ଟଙ୍କାର ସହାୟତା ରାଶି ପ୍ରଦାନ କରିଛନ୍ତି । ଆଇପିଏଲର ଫ୍ରାଞ୍ଚାଇଜ ଟିମ ସନରାଇଜର୍ସ ହାଇଦ୍ରାବାଦ ନିଜ ଟ୍ୱିଟର ଆକାଉଣ୍ଟରେ ଏହା ସଂପର୍କରେ ସୂଚନା ଦେଇଛନ୍ତି ।
ଏହାସହିତ ବିରୁଷ୍କା ମଧ୍ୟ ୨ କୋଟି ଟଙ୍କା କୋଭିଡ ଫଣ୍ଡକୁ ଦାନ କରିଛନ୍ତି । ଏବେ କ୍ରିକେଟ ଟିମ ସନରାଇଜର୍ସ ହାଇଦ୍ରାବାଦ ୩୦ କୋଟି ଟଙ୍କା ପ୍ରଦାନ କରିଛନ୍ତି । କରୋନା ସମୟରେ ଏଭଳି ସହାୟତାର ହାତ ବଢ଼ାଇବା ମଧ୍ୟ ଗର୍ବର ବିଷୟ । ଦେଖନ୍ତୁ ଏହି ପୋଷ୍ଟ..
Sun TV (SunRisers Hyderabad) is donating Rs.30 crores to provide relief to those affected by the second wave of the Covid-19 pandemic. pic.twitter.com/P6Fez9DuLo
— SunRisers Hyderabad (@SunRisers) May 10, 2021
କରୋନାରେ ଏବେ ଗୋଟେ ଦିନରେ ୪ଲକ୍ଷରୁ ଅଧିକ ଲୋକ ସଂକ୍ରମିତ ହେଉଛନ୍ତି । ପ୍ରତିଦିନ ୩୦୦୦ରୁ ଅଧିକ ଲୋକଙ୍କ ମୃତ୍ୟୁ ଖବର ସାମ୍ନାକୁ ଆସୁଛି । ଏହାକୁ ଦୃଷ୍ଟିରେ ରଖି ଆଇପିଏଲ ମ୍ୟାଚକୁ ମଧ୍ୟ ସ୍ଥଗିତ କରାଯାଇଛି । ପ୍ରଦର୍ଶନ କଥା କହିବାକୁ ଗଲେ ଏହି ଟିମ ୭ଟି ମ୍ୟାଚରୁ ୬ଟି ମ୍ୟାଚ ହାରିଛି । ପଏଣ୍ଟ ଟେବୁଲରେ ଏହି ଟିମ ସବୁଠୁ ତଳେ ରହିଛି ।