ରାଉରକେଲାରେ ମିଳିତ ଟ୍ରେଡ ୟୁନିୟନ ପକ୍ଷରୁ ୧୨ ଘଣ୍ଟିଆ ବନ୍ଦ ଡାକରା
ରାଉରକେଲା(କେନ୍ଯୁଜ୍): ସେଲ୍ ପରିଚାଳନାଧୀନ ସମସ୍ତ ଇସ୍ପାତ କାରଖାନାରେ ଆଜି ମିଳିତ ଟ୍ରେଡ ୟୁନିୟନ ପକ୍ଷରୁ ଧର୍ମଘଟ । ୧୨ ଘଣ୍ଟିଆ ବନ୍ଦ ଡାକରା ଦେଇଛି ମିଳିତ ଟ୍ରେଡ ୟୁନିୟନ । ମଜୁରୀ ଚୁକ୍ତିନାମାରେ ସେଲ୍ କର୍ତ୍ତୃପକ୍ଷ ଟାଳଟୁଳ ନୀତି ଅବଲମ୍ବନ କରୁଥିବା ଅଭିଯୋଗରେ ଧର୍ମଘଟ କରାଯାଇଛି। ପ୍ରତିବାଦରେ ଆଜି ସକାଳ ୬ଟାରୁ ଆସନ୍ତାକାଲି ସକାଳ ୬ଟା ପର୍ଯ୍ୟନ୍ତ ଧର୍ମଘଟ ଚାଲିବ ।
ରାଉରକେଲାରେ ବିଭିନ୍ନ ଶ୍ରମିକ ସଙ୍ଗଠନ କର୍ମକର୍ତ୍ତା RSP ମୁଖ୍ୟ ଫାଟକ ଓ ପାଓ୍ଵାର ଗେଟ୍ ସମ୍ମୁଖରେ ଧାରଣା ଦେଇଛନ୍ତି । ସକାଳୁ କାରଖାନା ଯାଉଥିବା ଲୋକଙ୍କୁ ଭିତରକୁ ଯିବାକୁ ଦେଇନଥିଲେ ଆନ୍ଦୋଳନକାରୀ । ଫଳରେ କିଛି ସମୟ ପାଇଁ ଉତ୍ତେଜନା ଦେଖାଦେଇଥିଲା। ସେପଟେ ବିଶ୍ରା ଛକରେ ମଧ୍ୟ ମିଳିତ ଟ୍ରେଡ ୟୁନିୟନ ପକ୍ଷରୁ ବିକ୍ଷୋଭ ପ୍ରଦର୍ଶନ କରାଯାଇଛି। ରାଉରକେଲା ଇସ୍ପାତ କାରଖାନା କତ୍ତଁପକ୍ଷ ଦର୍ମଘଟକୁ ବେଆଇନ ଘୋଷଣା କରିଛନ୍ତି।
