ମହଙ୍ଗା ପଡିଲା ଅଶ୍ଳୀଳ ଭିଡିଓ ପଠାଇବା : ଅଭିଯୁକ୍ତଙ୍କୁ ଗିରଫ କଲା ସାଇବର୍ ପୋଲିସ୍
ବ୍ରହ୍ମପୁର : ମହଙ୍ଗା ପଡିଲା ଅଶ୍ଳୀଳ ଭିଡିଓ ପଠାଇବା । ପୁରୁଣା ବ୍ରହ୍ମପୁରର ଜଗନ୍ନାଥ କରଙ୍କୁ ଗିରଫ କରିଛି ସାଇବର ଥାନା ପୋଲିସ୍ । ସୂଚନା ଅନୁସାରେ, ସ୍ଥାନୀୟ ଗୋଳାବନ୍ଧ ଆର୍ମି ଏୟାର୍ ଡିଫେନ୍ସ କଲେଜର ଜଣେ ମହିଳା ସେନାଧିକାରୀଙ୍କୁ ଏହି ଭିଡିଓ ପଠାଇଥିଲେ ଅଭିଯୁକ୍ତ ଜଗନ୍ନାଥ । ମହିଳା ଜଣକ ଏନେଇ ଥାନାରେ ଏତଲା ଦେବା ପରେ ଜଗନ୍ନାଥଙ୍କୁ ଗିରଫ କରିଛି ପୋଲିସ୍ । ତେବେ ବ୍ରହ୍ମପୁର ବଡ଼ ବଜାରରେ ସାଇବର ଥାନା ପ୍ରତିଷ୍ଠା ହେବା ପରେ ଏହା ପ୍ରଥମ ସାଇବର୍ କ୍ରାଇମ୍ ବୋଲି ଜଣା ପଡିଛି ।
