ହ୍ଵାଟ୍ସଆପ ୟୁଜର୍ସଙ୍କ ପାଇଁ ଖୁସି ଖବର ; କମ୍ପାନୀ ଲଞ୍ଚ କଲା ୩ଟି ଜବରଦସ୍ତ ଫିଚର
ଲୋକପ୍ରିୟ ଇନଷ୍ଟାଣ୍ଡ ମେସେଜିଙ୍ଗ ଆପ ହ୍ଵାଟ୍ସଆପ ଏହାର ୟୁଜର୍ସ ମାନଙ୍କର ଚାଟିଂ ଏକ୍ସପିରିୟନ୍ସ କୁ ଉନ୍ନତ କରିବା ପାଇଁ ନୂତନ ଫିଚର ଆଣିଥାଏ । ଏହି ପର୍ଯ୍ୟାୟରେ, ବର୍ତ୍ତମାନ କମ୍ପାନୀ ଆହୁରି କିଛି ନୂତନ ଫିଚର ବାହାର କରିଛି । ନୂତନ ଭଏସ୍ ରେକର୍ଡିଂ ଫିଚର ସହିତ ମେସେଜିଂ ଏବଂ ପ୍ରୋଫାଇଲ୍ ଫଟୋ ସହିତ ଜଡିତ ଏକ ବିଶେଷ ଫିଚର ଏଥିରେ ଅନ୍ତର୍ଭୂକ୍ତ ହୋଇଛି । କମ୍ପାନୀ ଏହି ନୂତନ ଫିଚର ଗୁଡିକୁ ଦୀର୍ଘ ସମୟ ଧରି ବିଟା ପରୀକ୍ଷା କରୁଥିଲା ଏବଂ ବର୍ତ୍ତମାନ ସେଗୁଡିକ ଆଇଫୋନ୍ ବ୍ୟବହାରକାରୀଙ୍କ ପାଇଁ ରୋଲ ଆଉଟ ହୋଇଛି ।
କମ୍ପାନୀ ଭର୍ସନ ସଂଖ୍ୟା ୨୨.୨.୭୫ ସହିତ ଏହି ଫିଚର ପ୍ରଦାନ କରୁଛି। ଏହି ଫିଚର ଗୁଡିକ ପାଇଁ ଆଣ୍ଡ୍ରଏଡ୍ ଉପଭୋକ୍ତାମାନଙ୍କୁ ଟିକିଏ ଅଧିକ ସମୟ ଅପେକ୍ଷା କରିବାକୁ ପଡିବ | ବର୍ତ୍ତମାନ ଆସନ୍ତୁ ଜାଣିବା କି ହ୍ୱାଟ୍ସଆପ୍ର ଏହି ଫିଚର ଗୁଡ଼ିକରେ କଣ ବିଶେଷତ୍ୱ ରହିଛି ।
ଆପଣ ବିନା ଇଚ୍ଛାରେ କେହି ମେସେଜ୍ ପଠାଇ ପାରିବେ ନାହିଁ
ଏହି ଫିଚର iOS 15ରେ ଥିବା ଫୋକସ ମୋଡର ବ୍ୟବହାର କରିଥାଏ । ଏହି ଫିଚର ସାହାଯ୍ୟରେ iOS 15 ୟୁଜର ଏହା ସ୍ଥିର କରିପାରିବେ କି ତାଙ୍କୁ କିଏ ମେସେଜ୍ କରିପାରିବ ଏବଂ କିଏ ପାରିବ ନାହିଁ । iOS 15ରେ ମିଳୁଥିବା ଏହି ଫିଚର ମାଧ୍ୟମରେ ୟୁଜର ନିଜର ଆଇଫୋନ୍କୁ ଡିଏନ୍ଡି ମୋଡରେ ପକାଇ ପାରିବେ। ଏହ ଫିଚର ପ୍ରାରମ୍ଭରେ କେବଳ iMessage ଆପ୍ ପାଇଁ ଆସୁଥିଲା , ହେଲେ ଏବେ କମ୍ପାନୀ ଏବେ ଏହାକୁ ହ୍ୱାଟ୍ସଆପ୍ରେ ମଧ୍ୟ ଉପଲବ୍ଧ କରାଇଛି ।
ଭଏସ୍ ରେକର୍ଡିଂ ଫିଚର
ଏହି ଫିଚର ପାଇଁ ଉପଭୋକ୍ତାମାନେ ବହୁତ ଅପେକ୍ଷା କରିଥିଲେ । ନୂତନ ଅପଡେଟ୍ ପରେ ଆଇଫୋନ୍ ବ୍ୟବହାରକାରୀମାନେ ଏହି ଫିଚର ବ୍ୟବହାର କରିବାକୁ ସମର୍ଥ ହେବେ ।ଏହି ଫିଚର ଉପଭୋକ୍ତାମାନଙ୍କୁ ଏକ ଭଏସ୍ ମେସେଜ୍ ରେକର୍ଡିଂ କରିବା ସମୟରେ ରେକର୍ଡିଂକୁ ବିରାମ ଏବଂ ପୁଣି ଥରେ ଆରମ୍ଭ କରିବାକୁ ଅନୁମତି ଦିଏ । ଏହି ଫିଚରର ଏକ ସୁବିଧା ମଧ୍ୟ ହେବ ଯେ ଉପଭୋକ୍ତାମାନେ ରେକର୍ଡିଂ କରିବା ସମୟରେ ଏହାକୁ ବିରାମ ଦେବାବେଳେ ଭଏସ୍ ନୋଟ୍ ମଧ୍ୟ ଶୁଣିପାରିବେ । ଯଦି ରେକର୍ଡିଂ ସଠିକ୍ ନୁହେଁ, ଏହାକୁ ଡିଲିଟ୍ କରିହେବ ଏବଂ ଯଦି ରେକର୍ଡିଂ ସଠିକ୍ ହୁଏ, ତ ଏହାକୁ ସେଠାରୁ ଆଗକୁ କଣ୍ଟିନ୍ୟୁ କରାଯାଇ ପାରିବ ।
ନୋଟିଫିକେସନ୍ସରେ ବି ଦେଖାଯିବ ୟୁଜରର ପ୍ରୋଫାଇଲ ଫଟୋ
ଏହି ଫିଚରର ଖାସ କଥା ହେଉଛି ବର୍ତ୍ତମାନ iOS 15 ବ୍ୟବହାରକାରୀ ମଧ୍ୟ ହ୍ଵାଟ୍ସଆପ ନୋଟିଫିକେସନ୍ସରେ ମେସେଜ୍ ପଠାଉଥିବା ବ୍ୟକ୍ତିଙ୍କର ଫଟୋ ଦେଖିପାରିବେ । ଅପଡେଟ ପୂର୍ବରୁ ଉପଭୋକ୍ତାମାନେ କେବଳ ନୋଟିଫିକେସନ୍ସ ବ୍ୟବହାରକାରୀଙ୍କ ନାମ ଦେଖୁଥିଲେ । ଏହି ଫିଚର୍ସ ବ୍ୟବହାର କରିବାକୁ, ଆଇଫୋନ୍ ବ୍ୟବହାରକାରୀଙ୍କୁ iOS 15 କିମ୍ବା ଲଟେଷ୍ଟ ଭର୍ସନକୁ ଅପଡେଟ କରିବାକୁ ପଡିବ ।