ଖାକିରେ କଳଙ୍କର ଛିଟା, ବିବାହିତା ମହିଳାଙ୍କୁ ଦୁଷ୍କର୍ମ ଅଭିଯୋଗରେ ବଳଙ୍ଗା ଥାନା ASI ଚିତ୍ତ ରଞ୍ଜନ ଦାସ ଅଟକ
ପୁରୀ(କେନ୍ୟୁଜ୍):ବିବାହିତା ମହିଳାଙ୍କୁ ଦୁଷ୍କର୍ମ ଅଭିଯୋଗରେ ପୁରୀ ଜିଲ୍ଲା ବଳଙ୍ଗା ଥାନା ASI ଚିତ୍ତ ରଞ୍ଜନ ଦାସଙ୍କୁ ପିପିଲି ପୋଲିସ ଅଟକ ରଖି ପଚରାଉଚରା କରୁଛି। ତାଙ୍କ ନାଁରେ ଦୁଷ୍କର୍ମ ମାମଲା ରୁଜୁ ହୋଇଛି। ଘଟଣା ନେଇ ପୀଡ଼ିତାଙ୍କୁ ମଧ୍ୟ ପଚରାଉଚରା କରାଯାଇଛି । ଡାକ୍ତରୀ ମାଇନା ପାଇଁ ତାଙ୍କୁ ପୁରୀ ପଠାଯାଇଛି । ଆଡିସନାଲ୍ ଏସ୍ପି ଅରୁଣ ଜେନା ସୂଚନା ଦେଇଛନ୍ତି। ଗତକାଲି ଦୁଷ୍କର୍ମ ଅଭିଯୋଗ ଆଣିଥିଲେ ଜଣେ ବିବାହିତା ମହିଳା। ଏକ ଅଟୋ ପୋଡ଼ି ଘଟଣାରେ ବଳଙ୍ଗା ଥାନାକୁ ଯାଇଥିଲେ ମହିଳା। ସେଠାରେ ଏଏସଆଇ ମହିଳାଙ୍କୁ ନିଜ ରୁମ୍କୁ ଡାକି ସାହାଯ୍ୟ କରିବାର ପ୍ରତିଶ୍ରୁତି ଦେଇ ତାଙ୍କୁ ଦୁଷ୍ମର୍ମ କରିଥିବା ମହିଳା ଜଣକ SDPOଙ୍କ ନିକଟରେ ଅଭିଯୋଗ କରିଥିଲେ। ସେପଟେ ପିପିଲି ବଳଙ୍ଗା ଥାନା ASI ଅଟକ ଘଟଣାରେ ଗୃହ ରାଷ୍ଟ୍ରମନ୍ତ୍ରୀ ଦିବ୍ୟଶଙ୍କର ମିଶ୍ର କହିଛନ୍ତି, ତଦନ୍ତ ପାଇଁ ଏସଡିପିଓଙ୍କୁ ଦିଆଯାଇଛି ନିର୍ଦ୍ଦେଶ । ତଦନ୍ତ ରିପୋର୍ଟ ଆସିବା ପରେ କାର୍ଯ୍ୟାନୁଷ୍ଠାନ ନିଆଯିବ ।
